На думку ваенных аналітыкаў, паспяховая аперацыя ў Белгарадскай вобласці можа прымусіць Крэмль адцягнуць войскі ад лініі фронту, пакуль Кіеў рыхтуе буйны контрнаступ і псіхалагічны ўдар па Маскве. Пра гэта гаворыцца ў артыкуле Reuters, аб чым піша УНІАН.
Эксперты таксама дадалі, што хоць Кіеў адмаўляе сваю датычнасць, гэта найбуйнейшы рэйд у Расійскую Федэрацыю з украінскай тэрыторыі з пачатку поўнамаштабнага расійскага ўварвання, і ён амаль напэўна быў узгоднены з Узброенымі сіламі Украіны.
«Украінцы спрабуюць расцягнуць расіян у розныя бакі, каб адкрыць праломы. Расіяне вымушаныя даслаць падмацаванне», – патлумачыў Ніл Мэлвін, аналітык Каралеўскага інстытуту аб’яднаных службаў.
Як паведамлялася, прарыў адбыўся ўдалечыні ад эпіцэнтра баявых дзеянняў, прыкладна ў 160 км ад лініі фронту на поўначы Харкаўскай вобласці.
«Яны (расіяне – УНІАН) павінны будуць на гэта адрэагаваць і ўвесці туды войскі, а потым разгарнуць шмат войскаў уздоўж усёй памежнай зоны, нават калі гэта не той шлях, якім ідуць украінцы», – сказаў Мэлвін.
21 траўня ў РФ паведамілі, што ў вёсцы Галоўчына Белгарадскай вобласці быў здзейснены напад на адміністрацыйны будынак. На наступны дзень байцы «Рускага добраахвотніцкага корпусу» і легіёну «Свабода Расіі» правялі рэйд у Грайваронскім раёне Белгарадскай вобласці РФ.
У ГУР заявілі, што расіяне праводзяць спецаперацыю пад Белгарадам. Іх мэта – стварыць «лінію бяспекі» для ўкраінцаў.
нг